Hier findet man die Texte der CD „Irgendwu bisch Du“

 

Auf dieser CD finden Sie auch zwei Bonus-Stücke meiner ersten Maxi-CD.

Hier die Texte:

 

Irgendwu bisch du

Seid du nimmie do bisch hod sich mansches schun gedreht
Mansches wu ma glei begreift un mansches, wu ma ned vasteht
Viel wu isch vazäile kann un viel bleibt liewa ganz uh g‘soht
Ma dud sich als mohl wunnare dass s’Lehwe ohfach weidergeht

Du bisch net fort un bisch net doh
Manschmohl weit weg – un manschmohl doch sou noh
Do fiehlt ma sich als sou älloh
Un hod doch s’Gfiehl, du hoggsch grohd nehwedroh.

Wie gern heb isch als, mit dir immer vazäilt
Was glohbsch wie arg, mir heit dein Rotschlohg fehlt
Vor allem ohns, des fällt ma immer widda sou arg schwer,
zu wisse du kummsch niemohls widda her

Du bisch net fort un bisch net doh
Manschmohl weit weg – un manschmohl doch sou noh
Do fiehlt ma sich als sou älloh
Un hod doch s’Gfiehl, du hoggsch grohd nehwedroh.

Wie_oft_hewwisch_des_Gfiehl, du kummsch zu de Dier glei rei.
Unn lachsch misch laut aus und der bleedee Drohm wär glei vorbei.
Do winscht ma sich oft des, was doch gohned gäid
Un ma wohs oh ganz genau, sou wärds niemäh sei

Doch irgendwie bisch doch en meine Näh
Ja irgendwie kann isch disch spiere oh wann isch disch gohnet säi
Du bisch net fort un bisch net doh
Manschmohl weit weg un manschmohl doch sou noh
Do fiehlt ma sich, als sou älloh
Un hod doch s’Gfiehl, du hoggsch grohd nehwedroh.
Un hod doch s’Gfiehl, du hoggsch grohd nehwedroh.
Grohd nehwedroh. Grohd nehwedroh. Grohd nehwedroh


 

zurück zur Textübersicht

Geelariewesalohd

Gehma fort mit Kaviar, mit Lachs und Canapés.
Ich will kohn Gouda un kohn Brie unn oh sunschd kohn Kees
Bleib ma weg mit Sauerkraut des lähn isch alles ab.
Wann isch des Zeigs esse duhn, dann mach isch glei schlapp

Isch heb dass g´soht Isch will grohd Geelariewesalohd
Isch heb dass g´soht Isch will grohd Geelariewesalohd
Ich will koh Nudel, will kohn Struhdel will kohn Uffschnitt un koh Flohsch
isch sohg dass jetzad nochemohl , demit´s oh wirklisch woh´sch
Isch heb dass g´soht Isch will grohd Geelariewesalohd
Isch heb dass g´soht Isch will grohd Geelariewesalohd

Duhma blous den Kuche weg denn kannsch bei mir vagesse
des Zuckerzeigs kannsch palde, und grohd selwa fresse
Koh Gummibehrlin, koh Lakritz, des duhnischda jetzt sohre
Mit deim Hummer un deim Krebs do kannsch misch grohd johre.

Bio-Färz un Öko-Mieslie des kohf isch mir net ei
Fa mein Ranze gibt´s blous ohns un do schlohg ich voll nei
Weil wanns Gelariehwe gibt, kähnd isch alles glei vagesse
Un duh dann glei oh uff ohmohl zwuh Portiuhne esse.

Isch heb dass g´soht Isch will grohd Geelariewesalohd
Isch heb dass g´soht Isch will grohd Geelariewesalohd

Ich brauch koh Sauna un kohn Pool Koh Audo un oh koh Haus
Wann isch schunn die Auswohl heb such isch was annardschd raus
Dei Ohgebohd klingt intressant un mescht misch schun perplex
Doch glohb ma´s na wann isch dass sohg ich brauch oh gohkohn Sex

Isch heb dass g´soht Isch will grohd Geelariewesalohd
Isch heb dass g´soht Isch will grohd Geelariewesalohd
Ich will koh Nudel, will kohn Struhdel will kohn Uffschnitt un koh Flohsch
isch sohg dass jetzad nochemohl , demit´s oh wirklisch woh´sch
Isch heb dass g´soht Isch will grohd Geelariewesalohd
Isch heb dass g´soht Isch will grohd Geelariewesalohd


 

zurück zur Textübersicht

Fa Reigeplaggde

Pohdere sinn Perle. Gerade des hohst grohd
Gelariewe sin Karotte Salat der hohst Salohd.
Ein Monat ischen Muhned Gewohnheit isch die G´wuhned.
Die Kruste isch des Grischtl Die Brust des isch des Brischdl

Wer stolz isch der dudd stratze wer stiehlt, der dudd kratze.
Spinnen mache Huddle wer trink dud ohna duddle.
Wer saugt, ja der dudd suggle abtrocknen hohst abdruggle.
Statt Reden duh ma schwetze Wer reizt, dudd bei uns retze.

Wann die Wörter kannsch bisch clever Wann die Wörter kannsch bisch schlau.
Dann sesch oh niemohls Majoran No dann sesch blouß Marau.

Die Nase isch bei uns die Nohs Ä Ziege, des isch blous ä Gohs.
wer was erfährt, der woh´s was neis un Wellschkorn, des isch Mais.
Wer Schaukelt der dudd gaunze Dann dudd de Stuhl oh graunze.
Es isch vielleicht oh nei fa Dich dass Klo bei uns de Abtritt isch.

Mir schauen ned, mir gugge Und Fliegen, des sinn Mugge.
Hiwwe, des isch hüben un driwwe, des isch drüben.
Wer schüttelt, der dudd schiddle wer rüttelt, der dud riddle.
Wer spricht, ja der dudd babble wer pinkelt, der dud rabble.

Wann die Wörter kannsch bisch clever Wann die Wörter kannsch bisch schlau.
Dann sesch oh niemohls Majoran No dann sesch blouß Marau.

Mit „Kloh“ mohne mir „Klein“ Abba heißt bei uns nein.
De Briefbott bringt bei uns die Post un getrunge werd blous, wann’s nix koscht.
Hinten heißt hier „hinne“ zu Gleiten sagt man „Glinne“.

Meine Frau, des isch mei Froh die Gemeinde isch die „Gmoh“.
Un dudd sich ohns valetzte dann griggds oh oft en Bletze.
Glohbd mas na, es isch kohn Scherz Gewürz hohsd bei uns „Gwärz“.
Aussaugen heißt auszuzle Und ein Apfel hot en Butze.
„Wie bitte“ sohre mir nie mäh des hohst bei uns blous „hä?“.

Wann die Wörter kannsch bisch clever Wann die Wörter kannsch bisch schlau.
Dann sesch oh niemohls Majoran No dann sesch blouß Marau.
Wann die Wörter schwetze kannsch, ja dann bisch wirklich rischdisch gut.
Dann_derf’sch_sou viel schwetze wie grohd wid un kohna seschd mäh: halt dei .
Schnut

Wer drängeld dudd driwwliere mid dem kannsch dann dischbudiere.
Wer faugelt der duud schummle wer schnell isch dudd sich dummle.
Ohns kann ich eisch noch sohre die Augen sin die „Óhre“.
Ein Glas isch hald ä Glohs und die Vase nennt ma „Wohs“.
Wer bei uns siegt hod gwunne wer unten ist isch unne.
Hosen sind die House und wenn’s hagelt dann dudds schlouse.

Eine Kerze des isch blous „Kerz“ un Flatulenze, des sinn Ferz.
Ja sou ohfach isch‘s fa uns un ä Blutwurst isch ä Blunz.

Englisch schwetze, des kann jeder do brauchsch ned viel en deim Herrn.
Doch unsa Sproch des isch was B’sunnas, drum schwetzt ma die sou gern.
Un wann die Wörter kannsch bisch clever Wann die Wörter kannsch bisch schlau.
Dann bisch en eschde Reilinger, des woh’s isch ganz genau.
Ja wann die Wörter kannsch bisch clever Wann die Wörter kannsch bisch schlau.
Dann bisch en eschde Reilinger, des woh’s isch ganz genau.


 

zurück zur Textübersicht

Ja, ich will

Ja ich will, dass es immer weida gäid
Un dass die Welt oh niemohls ganz still stäid.
Sie soll sich immer weiderdrehe, immer grohd em Kreis.
Sou bassiert dann oh alleritt was Neis
Ja ich will, Ja ich will , Ja ich will

Ja ich will, dass es immer weida gäid
Dass dei Liebe fa mich immer besteht
Mir solle immer zammeblweiwe, egohl was oh bassiert
Ä Lehwe lang dämit sich`s oh rendiert
Ja ich will, Ja ich will , Ja ich will

Ja ich will, dass es immer weida gäid
un dass mein BVB immer vorne steht
Die Bayern die känne, vun mir aus gern absteige
und vun mir aus jedes Spiel vageige
Ja ich will, Ja ich will , Ja ich will

Ja ich will, dass sich alles weiter dreht
un mei Freunde oh dann kumme wammas schlechda gäid
ja oh dann, wann ich sie, wirklich brauche du
un kohna seschd „Loss ma grohd mei Ruh“
Ja ich will, Ja ich will , Ja ich will

Ja ich will, dass es immer weida gäid
un dass mohl irgendwer vielleicht mein Rohse meht.
Un der dehd dann sou aussehe, wie sich’s farren Rohse kehrt
sou dass mei Froh sich goh nimmie beschwert
Ja ich will, Ja ich will , Ja ich will

Ja ich will, dass es immer weida gäid
Un dass jeder zu dem wasser seschd oh stäid.
Do däzu kehrt oh nadierlich, dass wann ohna ebbes seschd
dann de anna oh des G’sohte gut vadreschd
Ja ich will, Ja ich will , Ja ich will

Ja ich will, dass es immer weida gäid
oh wann isch wohs, irgendwann do ischs zu spät
Doch bis dohie will ich lehwe, un lache jeden Dohg
drum kansch ma glohwe was isch da jetzt sohg
Ja ich will, Ja ich will , Ja ich will

Ja ich will, dass es immer weida gäid
un isch wohs genau dass ihr mich do vasteht
Doch fa alles gibt’s ä End do kannsch mache grohd was’d widd
Ja fa alles gibt’s ä End, oh fa des Lied
Ja ich will, Ja ich will , Ja ich will

Ja ich will, dass es immer weida gäid Ja ich will, dass sich alles weiter dreht
Ja ich will, ja ich will, ja ich will. Ja ich will, ja ich will.
Ja ich wil.


 

zurück zur Textübersicht

Siwwe Dohse vun Amerigoh

Ihr liewe Leit jetzt isches doh. Ä Peckl vun Amerigoh.
Vun unsare liewe Tante Rose, mit siwwe hoffnungsvolle Dose.
mit siewwe hoffnungsvolle Dose
Ihr Leit Ihr Leit was koscht die Palz, ä doppelt Kilo Schweineschmalz.
Ä Dohs voll eschdem Kakao, oh Kilo Buhnekaffe, roh.
oh Kilo Buhnekaffe, roh

Un säi isch rischtisch , meiner Seel, ä grousi Dos Oliveöl.
Ä extra groußi Dohs voll Reis, oh Kilo Mehl, wie Schnee so weiß.
Oh Kilo Mehl, wie Schnee so weiß.

Des alles schrieb die Tante Rose, eigehändisch uff die Dose,
daß isch glei wohs, was do drin isch, weil Englisch isch halt nix fa misch.
weil Englisch isch halt nix fa misch

Blouß uff der sibbte Weißblechdos, do glänze die zwoh Deckel blouß.
Was kähnd dann in der Dos bloß sei ? Isch steck ämol mein Riecher nei

Es isch koh Mehl, es isch koh Gries, es riescht wie eigeschlofenne Fieß.
Mir henn uns all die Kepf vabroche, was kähnd ma dann do drauß blouß koche?

Vielleicht isches ebbes fa de Mohre, doch was es isch- kann kohna sohre.
Isch mach jetzt Schluß mit Rooterei. Punktum, mir koches halt zu Brei.
Punktum, mir koches halt zu Brei.

Mei Tante die setzts iwwers Feier, und driggds dennoch noch durch de Saier.
Unn uff de Rohd vun unsre Oma, nimmt sie ä bissl Zimtaroma,
Abgeschmeckt noch mit Fett unn Zwiwwl, schmeckt des Zeigs gohnet so iwwl.
Do schmeckt des Zeigs gohnet so iwwl

Dä Mohre war ball widda still, jetzt kähnds grohd gwesst sei , was es, will.
Doch hört ihr Leit schunn drei Dohg druff, do klärt sich des Geheimnis uff.
Do klärt sich des Geheimnis uff
Jetzt hehrt was uns die Tante schreibt, schunscht mohnt ihr glei isch
iwwertreib

In tiefer Trauer, meine Lieben, hab ich diesen Brief geschrieben
De liebe Unkel Theodor, verstarb mit 88 Johr
Unn s´woh schun immer sei Marott, dass man dähom bestadde sohd
Wenns halt sein ledschde Wille sei, setzt ihn in aller Stille bei
In tiefer Trauer – Tante Rose. Sei Esch isch in der Weißblechdose
Sei Esch isch in der Weißblechdose


 

zurück zur Textübersicht

Reilinge

Manschmohl bisch wie ä aldi Froh manschmohl wie ä junges Ding
Du lesch misch – niemohls älloh des isch de Grund warum isch sou gern vun da sing
Du bisch immer fa misch do uff dich valoss isch mich blinn
Unn bin isch mohl ä zeitlang fort wohd isch uff den Dohg wann isch widda bei da bin

Du bisch mei Reilinge, mein klohne Ort
Wer disch kennt ja der mohg disch un der will oh nimmie fort.
Du bisch mei Reilinge do kehr isch noh
Reilinge, du klohnes Neschd
Du liegsch do sou friedlich un du heldsch disch em Kraischbach feschd
Sou lang isch bei dir bin, bin isch net älloh

Sou viel Johr sinn mir schun zamme, sou viel Lieder hewwisch fa disch gschriwwe
Sou viele sinn kumme, un manscher widda gange, blous die Beschde sin gebliwwe
Isch heb misch sou an disch gegwähnt Kenn all dei vasteckte Ecke
Kenn all die Macke – die du hosch unn du disch trotzdem immer widda nei entdecke

Du bisch mei Reilinge, mein klohne Ort
Wer disch kennt ja der mohg disch un der will oh nimmie fort.
Du bisch mei Reilinge do kehr isch noh
Reilinge, du klohnes Neschd
Du liegsch do sou friedlich un du heldsch disch em Kraischbach feschd
Sou lang isch bei dir bin, bin isch net älloh

Dei Lieblingskind woh isch zwar nie, dodezuh woh isch ned brohv genunk
Doch du hosch niemohls mid ma g`scholde, wenn ich Lewwerwoschdebroud in Kaffe dunk
Isch_dehd_gern_noch_ä_bissl_bleiwe un dehd gern gugge was mit dir bassiert
Dehd mich oh gern noch an da reiwe un guggge, wu disch dein Weg noch hiefiehrt

Du bisch mei Reilinge, mein klohne Ort
Wer disch kennt ja der mohg disch un der will oh nimmie fort.
Du bisch mei Reilinge do kehr isch noh
Reilinge, du klohnes Neschd
Du liegsch do sou friedlich un du heldsch disch em Kraischbach feschd
Sou lang isch bei dir bin, bin isch net älloh bin isch net älloh bin isch net älloh
Bin isch net älloh Bin isch ned älloh


 

zurück zur Textübersicht

Sing uns ä Lied

La, la-la la la La, la-la la la, La, la-la la la, La, la-la, la la

Wann isch wu bin dauerts oft net lang und irgendwer schwetzt mich oh
Un frehgt mich dann ob ich noch Gidda spiel, er dehd sich erinnre do droh
All die Lieder vun frieher, wu ma noch jung woh, die sold isch widda mohl spiele
Do däbei dehd er sich dann oh ganz schnell, wie en derre Zeit fiehle unn all sohre….

Sing, sing uns ä Lied Sing uns ä Lied heit Nacht
Gell es isch sou schäh wamma mohl greint unn es isch sou schäh wamma mohl lacht
La, la-la la la La, la-la la la, La, la-la la la, La, la-la, la la

Die Beatles, die Stones, die spiel isch dann gern, des gfellt dann de meischde Leid
un all sohre die Musik wu frieher kehrt hosch, die woh doch viel besser wie heid
Die Lieder die wohre noch voll mit viel G’fiehl, die hod mah kehrt jeden Dohg
Do mesch dann em liebschde die Ohre grohd zu, bei derre Musik vum alde Schlohg unn all sohre….

Sing, sing uns ä Lied Sing uns ä Lied heit Nacht
Gell es isch sou schäh wamma mohl greint unn es isch sou schäh wamma mohl lacht
La, la-la la la La, la-la la la, La, la-la la la, La, la-la, la la

Wann dann die ganz alde Sticker hersch dann fehlt nimmie viel zu deim Gligg
Weil die Lieder vun frieher die bringe halt oh sou manschi Erinnrung zurigg
Sou mansches was rum isch, des fellt ohm dann ei. Ja souwas des g’fellt halt de Leid
Mir all denke doch wamma ehrlich sinn, oh gern an vagangeni Zeit

Sing, sing uns ä Lied Sing uns ä Lied heit Nacht
Gell es isch sou schäh wamma mohl greint unn es isch sou schäh wamma mohl lacht
La, la-la la la La, la-la la la, La, la-la la la, La, la-la, la la


 

zurück zur Textübersicht

Reischer

Ich heb wirklich, schun alles probiert. Doch meischdens hod ma misch grohd oh’gschmiert
Ich heb gsunge, gschwetzt un Bleedsinn gmacht. Bezohlt hot kohna, all hen grohd glacht
Woh uff de Bank, doch die sohre Noh. Kohns gibt ma was, net mohl mei Froh
Souviel Geizhäls uff derre Welt. Ich_will_doch_net_viel_vun_aiam_Geld

Reischer, Reischer dehd isch gern sei Reischer, Reischer, em liebschde glei
Reischer, Reischer, weil mir des gfellt
Isch sohgs eich blous ohmohl: her mit dem Geld
Isch sohgs eich blous ohmohl: her mit dem Geld

Mei Winsch, die sinn joh sou kloh Un_uff die_poh_Euro, kummts eisch doch net oh
Mei Winsch sinn wirklich net grouß Mit ä poh Cent, seid ihr mich schun lous
Hedda kapiert, was isch eisch sohg Hedda kapiert, was isch vun eich mohg
Ja ihr Leid, jetzt seida droh Fangt_schun_mohl_mim_Sammle_oh

Reischer, Reischer dehd isch gern sei Reischer, Reischer, em liebschde glei
Reischer, Reischer, weil mir des gfellt
Isch sohgs eich blous ohmohl: her mit dem Geld
Isch sohgs eich blous ohmohl: her mit dem Geld

Do Spielsch stundelang dei Musik doch uff deim Konto, do gibt’s koh Stick
Wanns druff ohkummt gibt kohna was aus. Isch wer bezohlt blous mit Applaus

Reischer, Reischer dehd isch gern sei Reischer, Reischer, em liebschde glei
Reischer, Reischer, weil mir des gfellt
Isch sohgs eich blous ohmohl: her mit dem Geld
Isch sohgs eich blous ohmohl: her mit dem Geld
Isch sohgs eich blous ohmohl: her mit dem Geld


 

zurück zur Textübersicht

Immer weida

Ich will ans End vun alle Gleise. Wu’s blous zu Fuß noch weider gäid.
Un wu dann wirklich irgendwann- Iwwahaupt koh Schild mäh schdäid

Ich will dohie wu alles ohfängt. Dort gibt’s ä Pletzl oh fa misch
Ich will dohie weil isch dort hiekehr. Ich will dohie, wu du schunn bisch

Isch gäi Immer weida, immer weida, immer weida grohd grohdaus. Isch gäi
Immer weida, immer weida, immer weida grohd grohdaus.

Ich will ans End vun alle Gleise. Do wu kohn Zug mäh fohre kann
Isch wohs, desch isch ä langi Reise. Awwa isch wohs, isch kumm dort oh – irgendwann

Isch gäi ball, mei Zeit isch reif. Winkt man net zu, isch gäi ganz still
Isch heb koh Wut – ich heb koh Ängschd Ich gäi hald, weil ich gehe will.

Isch gäi Immer weida, immer weida, immer weida grohd grohdaus. Isch gäi
Immer weida, immer weida, immer weida grohd grohdaus.
Grohd grohdaus. Grohd grohdaus. Grohd grohdaus


 

zurück zur Textübersicht

Uffem Friedhouf

75 Johr alt un meischdens ganz älloh
was soll ma blous mit sich mache, des frohgt sich manschi Froh
Zum Dokda kanni nimmie, der seschd immer, isch wär g’sund
Doch halt! Ohn Ort denn gibt’s jo noch, do gäids immer rund

Uffem Friedhouf isch was lous, uffem Friedhouf trifft ma sich
Uffem Friedhouf do isch’s Lehwe, do sinn die Nochrischde ganz frisch
Uffem Friedhouf trifft ma d’Leid, ja isch wohs, des klingt wie Hohn
De Friedhouf isch des Zentrum unsrer Kommunikation

Was soll ma en de Wertschaft, des koscht blous sou viel Geld
Theoda isch oh nix fa misch, weil mir des gohnet g’fellt.
Do nemmisch grohd mei Heckl, uns Schaifele däzu
Nix wie naus uff de Friedhouf, do hoische d’Leid noch zu.

Uffem Friedhouf isch was lous, uffem Friedhouf trifft ma sich
Uffem Friedhouf do isch’s Lehwe, do sinn die Nochrischde ganz frisch
Uffem Friedhouf trifft ma d’Leid, ja isch wohs, des klingt wie Hohn
De Friedhouf isch des Zentrum unsrer Kommunikation

Vazäile keht halt mit däzu wann´d grohd beim Gieße bisch
Ma will jo nix vabasse grohd dann wann´s wischdisch isch.
Am beschde schwetze dud sich´s halt iwwad annere Leit
Un außerdem, sou neweher vagäid ganz schnell die Zeit

Uffem Friedhouf isch was lous, uffem Friedhouf trifft ma sich
Uffem Friedhouf do isch’s Lehwe, do sinn die Nochrischde ganz frisch
Uffem Friedhouf trifft ma d’Leid, ja isch wohs, des klingt wie Hohn
De Friedhouf isch des Zentrum unsrer Kommunikation

Ma find oh uffem Friedhouf als gern mohl neies Glick
En neie Mann, ä neii Froh, mol dinn un oh mohl dick
Ma muss halt ohfach gugge wierum die Zott dann steht
Weil steht die Zott noch vonnä, hohs’ds, dass noch ebbes geht

Uffem Friedhouf isch was lous, uffem Friedhouf trifft ma sich
Uffem Friedhouf do isch’s Lehwe, do sinn die Nochrischde ganz frisch
Uffem Friedhouf trifft ma d’Leid, ja isch wohs, des klingt wie Hohn
De Friedhouf isch des Zentrum unsrer Kommunikation

Un isch ma selwa mohl sou weit un gäid s’ledschde mohl do naus.
Dann mach da blous koh Sohrje, die G’schischd isch noch net aus.
Weil wenn do draus dann liegsch, dann kannsch da sicher sei.
Die annare all minanna gugge jeden Dohg vorbei.

Uffem Friedhouf isch was lous, uffem Friedhouf trifft ma sich
Uffem Friedhouf do isch’s Lehwe, do sinn die Nochrischde ganz frisch
Uffem Friedhouf trifft ma d’Leid, ja isch wohs, des klingt wie Hohn
De Friedhouf isch des Zentrum unsrer Kommunikation


 

zurück zur Textübersicht

Ich brauch koh Wasser

Schunn als klohner Buh hewwisch genau gwisst, was ich will
un heb des oh immer glei g‘soht
Wann’d wirklich ebbes willsch, dann muschs hald ohfach sohre
Es isch net gut, wamma lang woht
Ich wohs es heit noch, wie des woh bei uns dähohm
als Vorspeis, do gabs immer grohd Salohd
Un wann mei Modder gfrohgt hot, was ich trinke will
Heb isch als Antwort jedesmohl grohd gsoht

Ich brauch koh Wasser, ich brauch koh Bier,
brauch kohn Tumodesaft, des sog ich dir
Brauch kohn Champagner, brauch grohd ä Glässl Wei
Viel schähner kanns uff derre Welt jo gonet sei

Sou lange Johr bin isch jetzt schunn uff derre Welt,
do lernt ma oh sou mansches schetze.
Un oh viel gesse un getrunke hewwisch schun,
Drum kann ich do oh gut mitschwetze
Desweje kann isch dir oh sohre was ma schmeckt
Un kann oh sohre was isch gohnet will
Ich heb des alles en des Lied do neigepackt
un des sing ich jetzt mit viel G‘fiehl

Ich brauch koh Wasser, ich brauch koh Bier,
brauch kohn Tumodesaft, des sog ich dir
Brauch kohn Champagner, brauch grohd ä Glässl Wei
Viel schähner kanns uff derre Welt jo gonet sei

Wann isch noch älter bin un schunn em Seniorestift
Trink isch dort bschdimmt koh Fanta, oder Cola oder Lift
Ich will kohn griene Tee, linksrum gedreht
Ich brauch dann ebbes, wuhs ohm glei viel besser geht
Un seschd mei Pflegerin dann irgendwann zu mir
des wär net gsund, un dass ma sou jo net lang lebt
Dann gäi isch ohfach Zum Arzt meines Vertrauens,
Weil bei dem grigg isch de Wei noch uff Rezept

Ich brauch koh Wasser, ich brauch koh Bier,
brauch kohn Tumodesaft, des sog ich dir
Brauch kohn Champagner, brauch grohd ä Glässl Wei
Viel schähner kanns uff derre Welt jo gonet sei

Ich trink koh Selters, kohn Cafe O lait
Wann ich des Zeigs blous säi, dudd mir des faschd schun weh
Ich brauch kohn Schnapps, brauch grohd ä Glässl Wei
Un der Wei der derf oh gern aus de Kurpfalz sei.

Serefe, Gin Gin Prost un Santé
Släintie un Cheers Salute, olé
Kanpai un Mazel tow, Jamas, zum Wohl
Wer braucht schunn Wasser Na zdrowie
und Skol Zum Woh


 

zurück zur Textübersicht

En Freund fass Lehwe

Es isch jetzt ä poh Johr schun her, do heb’isch ihn kenne’glernt.
En ganz bsunnare Kerl wie man selde find. Heit isch alles sou weit entfernt.
Er hot ma gezeigt, wie ma’s mache dud.
Wie ma lebt und lehwe lesst.
Wie ma trotz Uhmuß en Mensch bleibt.
En eschde Kumpel isch des g’wesst.
Er woh en Freund, en Freund, en Freund fass Lehwe
un woh immer fa mich do.
Er woh en Freund, en Freund, en Freund fass Lehwe.
Newa ihm bin isch sou kloh.

Er hot ma gezeigt, was wischdisch isch und hot sou was aus ma g’macht
Zu jedem isch’er ehrlisch g’wesst un mir hewwe sou viel g’lacht.
Er hot ma gezeigt, wie ma’s mache dud.
Wie ma lebt und lehwe lesst.
Wie ma trotz Uhmuß en Mensch bleibt.
En eschde Kumpel isch des g’wesst.
Er woh en Freund, en Freund, en Freund fass Lehwe
un woh immer fa mich do.
Er woh en Freund, en Freund, en Freund fass Lehwe.
Newa ihm bin isch sou kloh.

Isch b’such’en noch heit, weil isch an’en glohb.
Isch b’such’en noch heit, dort an seim Grohb.

Was dehd isch gewwe wann’er bei mir wär, un wanna mit mir redde dehd.
Was dehd isch gewwe wann’er bei mir wär, doch heit isch’es zu spät.
Er hot ma gezeigt, wie ma’s mache dud.
Wie ma lebt und lehwe lesst.
Wie ma trotz Uhmuß en Mensch bleibt.
En eschde Kumpel isch des g’wesst.
Er woh en Freund, en Freund, en Freund fass Lehwe
un woh immer fa mich do.
Er woh en Freund, en Freund, en Freund fass Lehwe.
Newa ihm bin isch sou kloh.


 

zurück zur Textübersicht

 

Dief in mir

So viel Zeit isch um un s´isch so viel bassiert.
Koh Wunna, dass ma viel vergisst.
Manches kummt ohm awwa widda in dä Sinn.
Du hosch’s halt blous ä Weil vamißt.
Un uffämohl, do fellt’da ei wie alles woh.
Un uffämohl siehsch dich selwa wie du wohsch.

Dief in mir, dief wie’s Meer,
sinn sou viel Bilda aus meim Lewe, die ich blouß kenn un die gewwisch nimmie her.
Dief in mir, dief wie’s Meer,
un wenn isch die Bilda säi, wärd ma’s ums Herz ä bissl schwer.
Dief in mir.

Ich säi mein Vadda, wie wanns geschdan wär.
Un mei Modda, wie sie lacht.
Mei äschdi Freundin, all die Kumpels vun dä Schul.
Was hän mir fria alles g’macht.

Un uffämohl, do fellt’da ei wie alles woh.
Un uffämohl siehsch dich selwa wie du wohsch.
Dief in mir, dief wie’s Meer,
sinn sou viel Bilda aus meim Lewe, die ich blouß kenn un die gewwisch nimmie her.
Dief in mir, dief wie’s Meer,
un wenn isch die Bilda säi, wärd ma’s ums Herz ä bissl schwer.
Dief in mir.

Dief in mir, dief wie’s Meer,
sinn sou viel Bilda aus meim Lewe, die ich blouß kenn un die gewwisch nimmie her.
Dief in mir, dief wie’s Meer,
un wenn isch die Bilda säi, wärd ma’s ums Herz ä bissl schwer.
Dief in mir.

zurück zur Textübersicht

Menü schließen