Geschdern wohre ma noch jung mit Kraft fa Zwoh un sou viel Schwung
Henn uns mudisch g’fiehlt und frei doch scheinboh isch des jetzt vorbei

Sou gäid Johr um Johr die Zeit bleibt ned stä
sou manches mohl guggd ma zurück und denkt „wie ‚woh des schäh“
Alles gäid vorbei hört uff irgendwann
Un ab un zu dudds ohm hald wäi, dass ma nimmie alles kann
Sou gäid Johr um Johr Sou gäid Johr um Johr Sou gäid Johr um Johr

Die Zeit gäid em Flug vorbei un du willsch net de ledschde sei
Du fiehlsch disch immer mä älloh faschd all wu’d kennsch sinn nimmie doh

Sou gäid Johr um Johr die Zeit bleibt ned stä
sou manches mohl guggd ma zurück und denkt „wie ‚woh des schäh“
Alles gäid vorbei hört uff irgendwann
Un ab un zu dudds ohm hald wäi, dass ma nimmie alles kann

Mir sinn hald all sou, wie ma sinn, de oh isch dick – de anna dinn.
De oh der kummt frieh, de anna kummt schbehd,
De oh isch schlau, de anna isch blehd

Mir sinn hald all sou, wie ma sinn, Ohna zieht Niete, ohna d´ G´winn
De oh isch Mann, die anna ä Froh,
un ohns des isch glei alles Zwoh.

Mir sinn hald all sou, wie ma sinn,, ohns isch schlank, ohns hod ä Doppelkinn
De erschde gibt ab, de annar gibt zu
De ohne bin isch, de anna bisch du

Mir sinn hald all sou, wie ma sinn, dä oh isch en Däne, de anna en Finn
Manscher isch gut – un manscher isch schlecht
De oh stäid glei uff – de anna bleibt grohd em Neschd

Mir sinn hald all sou, wie ma sinn, de ohne der sieht was, de anna isch blinn
Sou manscher der greint blouß – sou manscher der lacht.
De oh isch em Dohg gut – De anna bei Nacht

Mir sinn hald all sou, wie ma sinn, isch woh’s also oh ned, wie isch selwa bin
Mohl binni gut druff – mohl ganz nehwedro
Mohl binni bei Dir – mohl binni älloh

Mir sinn hald all sou, wie ma sinn, Ohns des isch out un ohns des isch in
Es gäid imma weida un gohnix bleibt stäh
Nemm d’Leid wie sie sinn, dann isch’s Lehwe oh schäh.

Mir sinn hald all sou, wie ma sinn
Mir sinn hald all sou, wie ma sinn
Mir sinn hald all sou, wie ma sinn
Mir sinn hald all sou, wie ma sinn

Normohl bin ich jo ähnder, en ganz stille, ruische Typ.
Kohna wu gerne laud rumkreischd middare Stimm, als hehda d’Gripp.
Die meischde Leid die duhne mich, jo gohnet rischdisch kenne
Weil ich bin jo mäh romandisch, un mir g’fellds, wann Kerzlin brenne

S’letzt hewwisch mohl Gidda g’spielt, dähom, sou ganz älloh.
Do hewwisch zu ma selwa g’soht, jetzt schreibsch mohl ä Schohsoh
So ä Schosoh mit Liebe drin. Mohl Moll un oh mohl Dur
Halt sou ä Lied, so wie ma’s kennt, vun Brell un Aznavour.

Des isch mei Schoso – Des isch mei Schohso
un immer dann, wann isch des spiel, dann denk isch an uns zwoh
Des isch mei Schoso – Des isch mei Schohso
un oh wann isch älloh bin, fiehl isch misch ned älloh

Un weil isch koh Franzäisisch kann, do hewwisch zu ma g’soht
Des schreibsch jetzt ohfachh sou, wi’d schwetzsch –
um’s Lied wärs schunschd arg schod.
Ä Melodie isch net sou schwer, do fellt ma schunn was ei.
Blous mid dem Text duhn isch ma schwer. Er soll jo romandisch sei.

Irgend was mit Liebe halt, die sou brennt wie ä Kerz
Irgend was mit arg viel G’fiehl, hald irgend was fass Herz.
Ä Lied, des wu em End dann oh, jedes gut vaschdäid
Un des dann jedem irgendwann, unna die Haut gäid

Des isch mei Schoso – Des isch mei Schohso
un immer dann, wann isch des spiel, dann denk isch an uns zwoh
Des isch mei Schoso – Des isch mei Schohso
un oh wann isch älloh bin, fiehl isch misch ned älloh

Un jetzad isches ferdisch koh Not isch iwwarisch
Ja jetzad isches ferdisch – un isch sing’s fa disch
Un wann ma zuhersch un wann dass g’fellt, dann will isch gohnet mäh
Wann du vaschdäisch was isch da sohg, dann wär des wirklisch schäh

Des isch mei Schoso – Des isch mei Schohso
un immer dann, wann isch des spiel, dann denk isch an uns zwoh
Des isch mei Schoso – Des isch mei Schohso
un oh wann isch älloh bin, fiehl isch misch ned älloh

Mein Scheff hod zu ma ledschd mohl g’soht, isch dehd sou komisch schwetze
des wär ned gut fass G’schefft – ma mehst sich mohl zammesetze
Wann isch mohl rischdisch Houchdaidsch kähnd, dann wär er ganz aig frouh
Un ob isch ned mohl Luschd hed, farren Lehrgang odda sou
Do hewwisch dann grohd zu em g’soht, mach net so ä gedehs
Ich schwetz sou, wie isch schwetze kann, schunn’schd schwetz isch grohd en Kees
Bleib ma blous mid Houchdeitsch fort – des kann isch ned vadrohre
Un außerdem, do wollt isch da, schunn lang mohl ebbes sohre.

Houchdeitsch meschd dick – Houchdeitsch meschd alt
Do fehlt des Feier – do wärds ohm kalt
Houchdeitsch meschd bleed- Houchdeitsch meschd mied
Un blous mid Houchdeitsch – gäbs niemohls des Lied

Mein Enkele gäid ball en’d Schul , die isch jou sou aig g’scheid
wohscheinlich hod sie des vun mir, sou sohres alle Leid
Sie sieht oh sou gut aus wie isch, meschd also schun was her
Blous midde Sprohch do dudd sie sich, als mohl ä bissl schwer
Ich heb s’ledschd mohl zuhre g’sohgt, hoisch was dein Oba seschd
Wann en die Schul gäisch, dann schwetz g’scheid,. mim Dialekt des isch ganz schlecht
Do sechd sie zu ma, „Hoisch ämohl, en dem Punkt bleib isch stur
Weil unsan Dialekt – isch e eschdes Stick Kultur. Außerdem hosch selwa g’soht..

Houchdeitsch meschd dick – Houchdeitsch meschd alt
Do fehlt des Feier – do wärds ohm kalt
Houchdeitsch meschd bleed- Houchdeitsch meschd mied
Un blous mid Houchdeitsch – gäbs niemohls des Lied
Houchdeitsch meschd krank – häss-lisch un kloh
Wann’d Houchdeitsch schwetz’sch – dann bleib’sch älloh
Ja Houchdeitsch hodd – iwwerhaupt kohn Reiz
Wann’d Houchdeitsch schwetz’sch – griggsch’s grohd ens Kreiz.

Schunn als kloh Kind do lernsch des ball
Ned alles lehft immer grohdaus
Do borzelsch uff die Knie un holsch da glei mohl ä Blohmehl
trotzdem renn’sch immer widda naus

Un später bisch dann aig verliebt
Vor Liebeskummer gäisch ball ei
Bis du dann endlich lerne dusch- des kehrt halt oh däzu
un’d merksch – oh des gäid mohl vorbei | Break

Des gäid vorbei gäid vorbei
Bis moje uffwach’sch isch des alles faschd wie nei
Des gäid vorbei gäid vorbei
Sou schlimm wie heid wärd’s morje nimmie sei

Sou Gfiehle kumme immer mohl
Egohl ob arm bisch oder reisch
Do isch’s dann wirklich ganz egohl, was farren Mensch du bisch
weil do sinn alle Mensche gleich.

Drum hoisch ma zu un merk dass gut,
Der Spruch der hilft da jeden Dohg
Dei Lehwe des isch viel zu korz un viel zu schnell vorbei
Denk immer droh was ich da sohg | Break

Des gäid vorbei gäid vorbei
Bis moje uffwach’sch isch des alles faschd wie nei
Des gäid vorbei gäid vorbei
Sou schlimm wie heid wärd’s morje nimmie sei

Wer isch bin un was isch bin, des wohs isch ganz genau
Des zu begreife isch jo oh net allzu schwer
Was isch kann un oh was net des isch mir ziemlich klar
un oh des, was isch uhne disch wär

Wie en blinne Mohler – wu kohn Bensel halde kann
wie en schdumme Sänger wu sein Text vagisst und dann
grohd noch singt, was em sou eifellt – und der alles blous vakerzt
Wie en Vogel uhne Fliggel – der wu immer grohd abschderzd
Des bin isch uhhhne disch, uhne disch
Des bin isch uhhhne disch, uhne disch
Des bin isch uhhhne disch, uhne disch
uhhhne disch, uhne disch uhnäidisch

Sei sou gut und bleib doch do. Do ganz noh bei mir
Ich sohg des oh sou laut dass‘ jeder hert
Weil uhne disch do wär isch, ganz em Bodde unne
un s’Lehwe neddemohl die Hälft mehr wert.

Wie en blinne Mohler – wu kohn Bensel halde kann
wie en schdumme Sänger wu sein Text vagisst und dann
grohd noch singt, was em sou eifellt – und der alles blous vakerzt
Wie en Vogel uhne Fliggel – der wu immer grohd abschderzd
Des bin isch uhhhne disch, uhne disch
Des bin isch uhhhne disch, uhne disch
Des bin isch uhhhne disch, uhne disch
uhhhne disch, uhne disch uhnäidisch

Isch woh’s jo, dass ich sou bin, wie ich halt mohl bin
ja s’Lehwe mit mir, des isch als ganz schäh schwer
Isch winsch ma ä ganz langi Zeit, wu mir noch zamme sin
hoisch gut zu, was ich uhne dich wär

Wie en blinne Mohler – wu kohn Bensel halde kann
wie en schdumme Sänger wu sein Text vagisst und dann
grohd noch singt, was em sou eifellt – und der alles blous vakerzt
Wie en Vogel uhne Fliggel – der wu immer grohd abschderzd
Des bin isch uhhhne disch, uhne disch
Des bin isch uhhhne disch, uhne disch
Des bin isch uhhhne disch, uhne disch
uhhhne disch, uhne disch uhnäidisch.

Immer grohd dähom rumhogge des mache blous die alde Sogge
Als Gipfel aller Katastrophe dusch dann vorm Fernseh noch eischlohfe
Wann´d „Mamma“ dann dei Froh noch nensch un Samsdohgs glei ans Houfdohr rensch
Weil d´Werweblettlin die dort stecke Dei Literatur_bedürfnis decke
Wenn ma als Highlite vum Wocheend grohd noch „s´Audo wesche“ nennt
Un wann dann grohd noch wischdisch isch Ob d´Strohs oh gut gekehrt isch
Dann frohg disch mohl un oh dei Froh ob des wirklich alles woh!
Dann reist eich zamme un stäid uff mir mache_heit_ohna_druff

Wer heit net feiert, feiert nie Wer heit nix trinkt, der isch ball hie
Wer heit net singt, und lässt es krache Hot oh dähom net viel zu lache
Wer heit net ohmohl aus sich raus gäid Weil er schunschd oh net aus em Haus gäid
Wer heit nix trinkt der isch ball hie
Wer heit net feiert, feiert nie

Glohbt´s na, was isch eisch sohg, ihr Leid fa´s G´schefft isch noch em Muhndog Zeit
Heit simma do, bis en de Frieh sou jung wie heit, wohre ma nie
Mir hogge zamme, trinke was de oh wärd roud, de anna blass
Feiert schäh, geb´t blous koh Ruh Wann´d doud bisch kannsch noch langsohm du
Es isch schunn ä uraldi Redd Der wu feiert, sindischd net
Un wann dann hohm kumsch, sei sou gut Entfach´sch ämohl ä bissl Glut
Loss doch die Märklin Eisboh spiel liewa mohl mit deine Froh
Was glohbsch an, wie du derre g´fellsch wann du bei ihr die Weiche stellsch

Wer heit net feiert, feiert nie Wer heit nix trinkt, der isch ball hie
Wer heit net singt, und lässt es krache Hot oh dähom net viel zu lache
Wer heit net ohmohl aus sich raus gäid Weil er schunschd oh net aus em Haus gäid
Wer heit nix trinkt der isch ball hie
Wer heit net feiert, feiert nie

Bei uns schwetze die Leid grohd sou, wie’s enne g’fellt
un dobei mache mir vor gohnix halt
Ja unser Sprohch. die isch die schähnscht, uff de ganze Welt
un wer die schwetzt, ja der werd niemohls alt.

Mir schwetze brohd, un sou geähnt, als hehd ma ewisch Zeit
Un jeder wu des hehre dudd, der werd b’schimmb blass vor Neid!
Un s’Sahnestigg vun derre Sproch, ja des isch unsa „OH“
Als Beispiel kummt jetzt ohn Refrain. Hoischd ohfach noh:

D´Ohjafroh mim Fohrrohd hod de Hohs iwwafohre
Dem Hohs wohs net egohl, ja der hod´s ned verdrohre.
Wann den Hohs jetzt siehsch, do vadrehd das de Mohre.
Ä Glohsohg muss der arme Hohs in Zukunft jetzt trohre.

Nadierlich hens bei uns die Leid oh ned immer leischd
des isch bei uns genau wie iwwarohl
Doch unsa Sproch die hilft uns dann, alles zu vadrohre
un mansches isch ohm schneller dann egohl

un wann das rischdisch dreckisch gäid un mohnsch jetzt gäid nix mäh
dann schwetsch mit deine Kumpels, un die känne disch vastäh.
Un ohna hold sei Gidda raus, un all hogge sich noh
un singe zamme dann des Lied, vun de Ohjafroh

D´Ohjafroh mim Fohrrohd hod de Hohs iwwafohre
Dem Hohs wohs net egohl, ja der hod´s ned verdrohre.
Wann den Hohs jetzt siehsch, do vadrehd das de Mohre.
Ä Glohsohg muss der arme Hohs in Zukunft jetzt trohre.

Oh, oh oh oh oh oh oh oh ohh

Morje isches Frieh em Morje. Korz noch de viere bin ich uff’gwacht
Ohfach sou wohs net warum. Korz noch de Viere – draus isch Nacht

Morje isches Frieh em Morje. Em Kiehlschrank noch ä halwes Stickl Tort
En Spritzer Millisch en mein Kaffee. Gedanke kumme – un gähne widda fort

Sou viel Zeit – kähnd isch jetzt hawwe. Mir fellt nix ei – was isch jetzt mache kähnd
Gedanke hopfe ohfach en meim Herrn rum. Ja sou viel Zeit isch ma schunschd net gegwähnt

Frieh em Morje, Frieh em Morje Frieh em Morje un isch bin noch sou mied
Frieh em Morje, Frieh em Morje Frieh em Morje un isch bin noch sou mied

Doch oh wann ma nix macht gäid doch die Zeit rum
halt annaschd, wie wann ma beschäftischd wär
Viel ruischer – weil du bisch dann ganz fa disch
Sou isch oh leeri Zeit – niemohls ganz leer.

Frieh em Morje, Frieh em Morje Frieh em Morje un isch bin noch sou mied
Frieh em Morje, Frieh em Morje Frieh em Morje un isch bin noch sou mied

Oh draus wärds langsohm hell – die Welt wacht uff
Mei Ohre wärre langsohm widda schwer.
Doch jetzt gäids Lehwe lous – Isch kumm!
Un die drei Stund – die gewwisch nimmie her

Frieh em Morje, Frieh em Morje Frieh em Morje un isch bin noch sou mied
Frieh em Morje, Frieh em Morje Frieh em Morje un isch bin noch sou mied

Wann’s dir mohl ganz schlecht geht un du wirklich jemand brauche dehdsch
zum Schwetze Zuhoische wann’d frou wärsch, wann’d jemand hehdsch
Dann isch’s halt grohd uhg’schickt dann isch halt grohd kohna do
em End bisch uff dich g’schdellt em End do bisch älloh

Do isch kohner bei dir un kohner hot Zeit
wann’d ohna brauchsch dudd’s jedem grohd leid
Do isch kohna wu hilft kohna isch en de Neh
wanns am näidigschde währ un des dudd ohm sou wäi
Do isch kohna wu kummt nimmand isch fa disch do
wann ma am End isch gäids ohm hald sou
Ko kloh biss’l Hilf un koh gudes Wort
Du bisch älloh allminanna sin fort

Wie woh des sou schä als s’wohre imma Kumpels do
Beim Trinke beim Kohd’le ja do woh’sch niemohls älloh
Kohn Ärjer koh Sorje S’Geld hod g’langt farre Verdel Wei
Un jetzad uff ohmoohl isch des alles vorbei

Do isch kohner bei dir un kohner hot Zeit
wann’d ohna brauchsch dudd’s jedem grohd leid
Do isch kohna wu hilft kohna isch en de Neh
wanns am näidigschde währ un des dudd ohm sou wäi
Do isch kohna wu kummt nimmand isch fa disch do
wann ma am End isch gäids ohm hald sou
Ko kloh biss’l Hilf un koh gudes Wort
Du bisch älloh allminanna sin fort

De ganze Ohwed hemma fa eisch g’sunge De ganze Ohwed hemma fa eisch g’schwetzt
Mir hoffe es isch alles gut gelunge. Blous ohn Refrain fehlt noch, un der kummt jetzt:

Ihr kännte jetz gäh, mir sin am End des isch des allerledschde Lied
Do kännda kreische un oh klatsche, ganz egohl was jetzt geschied
Wann mir jetzt ferdisch sin, dann hehre mir uff jeden Fall oh uf
Mir gähne runner vun de Biehn un kumme dann – oh nimmie nuf

De ganze Ohwed hemma eisch vum Lehwe was bericht
So mansches Lied oh vun de Liebe – un oh so manch’s Gedicht
Vun Klohnischkeite die ihr all minanna selwa kennt
doch jetzt isch’s an de Zeit dass ma sich trennt

Ihr kännte jetz gäh, mir sin am End des isch des allerledschde Lied
Do kännda kreische un oh klatsche, ganz egohl was jetzt geschied
Wann mir jetzt ferdisch sin, dann hehre mir uff jeden Fall oh uf
Mir gähne runner vun de Biehn un kumme dann – oh nimmie nuf

Ihr kännte jetz gäh, mir sin am End drum sohre mir zu eisch adjö
Mir hewwe alles fa eisch gewwe, sogoh die Finger duhne weh
Alla dann, ihr Leid macht’s gut Noch dem Lied do gähma glei
Alla dann ihr Leid macht’s gut und guckt widda – mohl bei uns vorbei